अब कहा सोय राम कह भाई। रैन गई बासर भयो आई॥

पूर्व पुन्य ते नर देह पाई। हरि बे मुख मत भूल गमाई॥

ताते एह उर करो बिचारा। नर तन मिलै न बारंबारा॥

जात कपूर उड़ै कर सेती। तो बहुरै आवै नहिं जेती॥

तिरिया तेल चढ़ै इक बारा। बहुरि न चढ़हि दूसरी बारा॥

केल फूल फल एक ही होई। बहुरै फल लागै नहिं कोई॥

काच फूट किरची हुय जावे। सौ बहुरै साबत नहिं थावै॥

सत्तिया छिटक परीसिंध माँही। सो कबहूँ कर आवै नाहीं॥

एक बार कागज लिख सोई। जो दूसर लिखिहै नहिं कोई॥

जो मोती बींधत जो फूटा। तो कबहूँ मीले नहिं पूठा॥

फाट पषाण तेड़ जो आई। सो कबहूँ मीलै न मिलाई॥

सती सिंगार किया सज सोई। या तन और करै नहिं कोई॥

ऐसे ही यह नर तन कहिये। सो बिनसै बहुरैं नहिं पइये॥

नर तन अखै होय तब भाई। सेवगराम राम लिव लाई॥