यह छबि बाढ़ो री रजनी
ye chhabi baDho ri rajni
यह छबि बाढ़ो री रजनी, खेलत रास रसिकमनी माई।
कानन वर की महकनि, तैसिय सरद-जुन्हाई॥
पुलिन प्रकास मध्य मनि-मंडल तहँ राजत हरि-राधा।
प्रतिबिंबित तन दुरनि-मुरनि में तब छबि बढ़त अगाधा॥
गौर-स्याम छबि-सदन बदन पर फूबि रहे स्रम-कन ऐसे।
नील कनक-अंबुज अंतर धरे, ओपि जलज-मनि जैसे॥
झलकत हार, चलत कल कुंडल, मुख मंयक-ज्यौं सौहैं।
वारों सरद निसा ससि केतिक, नैन कटाच्छनि मोहैं॥
थेई-थेई बचन बदति पिय प्यारी प्रगटति नृत्य नई गति।
बृंदावन हित, तान-गान-रस, अलि हित रूप कुसल अति॥
स्रोत :
- पुस्तक : ब्रजमाधुरी सार (पृष्ठ 216)
- संपादक : वियोगी हरि
- रचनाकार : चाचा हितबृंदावनदास
- प्रकाशन : हिंदी साहित्य सम्मेलन, प्रयाग
- संस्करण : 2002
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
