दीनदयाल दया करिए
dinadyal daya kariye
निज हाथन सर्वसु खोय चुके कहँ लौ दुख पै दुख ही भरिये।
हम आरत भारतवासिन पै अब दीनदयाल दया करिये॥
लरि भाइन-भाइन आपस में बल बीरज वैभव नाश कियो।
सब के उर आलस अप्रियता अघ आदिक बैरिन बास कियो॥
हमरे धन सों हमरे तन सों परदेशिन भोग बिलास कियो।
करता धरता सब आप बने अति तुच्छ हमै निज दास कियो॥
इन स्वारथ मीत विधर्मिन के पद पूजत हा! कब लौं मरिये।
हम आरत...॥1॥
कोउ मूरख हिंदुन को ढिग कै निज निंदित शिष्य बनावत है।
बहकाय कुटुंब छुड़ाय छली फिर नेक नहीं अपनावत है॥
कोउ स्यामल रंगहि सों घिनकै जिय लेत बिलंब न लावत है।
यह दुर्गति देखि ह हा! हमरी अँखियान लहू भरि आवत है॥
न पुकार सुनै कोउ भूपति है किमि धीरज हाय हिये धरिये।
हम आरत...॥2॥
विधवा बिलपैं नित धेनु कटें कोउ लागत हाय गुहार नहीं।
पट भूषण बेचि भरै कर को तबहूँ लखिये बयपार नहीं॥
महँगी दुरभिक्ष कुरोगन ते भरि पेट जुहात अहार नहीं।
निजता इकता बलबुद्धि नहीं तिहि ऊपर हाथ हथ्यार नहीं॥
सबही बिधि दीन मलीन महा निशिबासर चित्त चिता जरिये।
हम आरत...॥3॥
हमरे अघ औगुन जो गनि हौ गनती नहिं लाख करोरन की।
जहँ प्रेम नहीं तहँ कौन कथा अपलच्छन और अभद्रन की॥
दुख देखि द्रवौ इक आश इती असहायन की असमर्थन की।
प्रभु की करुणाहु अनंत अहै जु कुकृत्ति घनो हम तुच्छन की॥
यह जानि प्रताप नरायन के उर अंतर ते न कहूँ टरिये।
हम आरत भारत बासिन पै अब दीनदयाल दया करिये॥4॥
संबंधित विषय
यह पाठ नीचे दिए गये संग्रह में भी शामिल है
हिंदी क्षेत्र की भाषाओं-बोलियों का व्यापक शब्दकोश : हिन्दवी डिक्शनरी
‘हिन्दवी डिक्शनरी’ हिंदी और हिंदी क्षेत्र की भाषाओं-बोलियों के शब्दों का व्यापक संग्रह है। इसमें अंगिका, अवधी, कन्नौजी, कुमाउँनी, गढ़वाली, बघेली, बज्जिका, बुंदेली, ब्रज, भोजपुरी, मगही, मैथिली और मालवी शामिल हैं। इस शब्दकोश में शब्दों के विस्तृत अर्थ, पर्यायवाची, विलोम, कहावतें और मुहावरे उपलब्ध हैं।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
