मनुवा! मनमोहन गाय रे।

अति आतूर होय के हरि-हरि, सुमिरि-सुमिरि सुख पाय रे॥

हरि सुख सिंधु भजत भजताँ, सुनि सब दुख दोस दुराय रे।

यौ औसर फिरि मिळै न मिलिहै, तौ भजि लीजै हरि राय रे॥

पतित-पतित पावन करि कैं, जमपुर ते लैहिं बुलाय रे।

यह हरि साखि समुझि सुनि चित करि, भज मन बिलँब न लाय रे॥

करि आरति हित सौं हरि सन्मुख, सक्यौ न सीप नवाय रे।

जनमि-जनमि जमद्वार निरादर, बारंबार बिकाय रे॥

अति संकट बूड़त भव जल में, अंत न और सहाय रे।

तोहि और हरि परम हितू बिन, को राखै अपनाय रे॥