जै कलि नाम कबीर न होते।

तौ लोक बेद अरू कलिजुग मिलि करि, भगति रसातलि देते॥

आगम निगम कहत ए पांडे, फल भागौत लगायौ।

रजस तामस सातिग कथि-कथि, यूँ यहु जगत भुलायो॥

बकता सुरता इन्यूँ भूले, दुनिया सबै भुलाई।

कल्पवृच्छ की छाया बैठे, तौ क्यूँ न कल्पना जाई॥

सर्गुण कथि-कथि मिष्ट खवाया, काया रोग बढ़ाया।

निर्गुण नींव पिया नहिं गुरगामि, यूँ अटकी जीव विकाया॥

अंध लकुटिया अंध गही है, परत कूप कत थोरै।

अबरण बरण दुई रस अंजन, आँखि सबनि की फौरे॥

हमसे पतित कहा कहि रहते, कौण प्रतीति मन धरते।

नाना बाणी देखि सुणि श्रवननि, बहु मारग अनसरते॥

करि हरि भगति भगति कण लीना, त्रिविध रहित थिति मोहे।

पाखंड रूप भेष सब कंकर, ग्यान सूपक सोहै॥

तिरगुण रहित भक्ति भगवंतहि, बिराला कोई पावै।

दया होई जौ कृपा नाथ की, तौ नाम कबीरा गाई॥

भगति प्रताप राखिए कमनि, निज जन आप पढ़ाया।

नाम कबिरा साच प्रकास्या, तहाँ पीपै कछु पाया॥