जय जय भारत भूमि भवानी।
जाकी सुयश पताका जग के दसहूँ दिसि फहरानी॥
सब सुख सामग्री पूरित ऋतु सकल समान सोहानी॥
जाकी श्री शोभा लखि अलका अमरावती खिसानी।
धर्म सूर जित उयो; नीति जहँ गई प्रथम पहिचानी॥
सकल कला गुन सहित सभ्यता जहँ सों सबहि सुझानी।
भये असंख्य जहाँ योगी तापस ऋषिवर मुनि ज्ञानी॥
बिबुध बिप्र विज्ञान सकल बिद्या जिन ते जग जानी।
जग बिजयी नृप रहे कबहुँ जहँ न्याय निरत गुण खानी॥
जिन प्रताप सुर असुरन हूँ की हिम्मत बिनसि बिलानी।
कालहु सम अरि तृन समुझत जहँ के छत्री अभिमानी॥
बीर बधू बुध जननि रहीं लाखनि जित सखी सयानी।
कोटि कोटि जहँ कोटि पती रत बनिज बनिक धन दानी॥
सेवत शिल्प यथोचित सेवा सूद समृद्धि बढ़ानी।
जाको अन्न खाय ऐंड़ति जग जाति अनेक अघानी॥
जाकी संपति लुटत हजारन बरसन हूँ न खोटानी।
सहत सहस बरिसन दुख नित नव जो न ग्लानि उर आनी॥
संपति सौरभ सोभा सन जग नृप गन मनहुँ लुभानी।
प्रनमत तीस कोटि जन जा कहँ अजहुँ जोरि जुग पानी॥
जिन मैं झलक एकता की लखि जग मति सहमि सकानी।
ईश कृपा लहि बहुरि प्रेमघन बनहु सोई छबि छानी॥
jay jay bharat bhumi bhawani
jaki suyash pataka jag ke dashun disi phahrani॥
sab sukh samagri purit ritu sakal saman sohani॥
jaki shri shobha lakhi alka amrawati khisani
dharm soor jit uyo; niti jahan gai pratham pahichani॥
sakal kala gun sahit sabhyata jahan son sabahi sujhani
bhaye asankhya jahan yogi tapas rishiwar muni gyani॥
bibudh bipr wigyan sakal bidya jin te jag jani
jag bijyi nrip rahe kabahun jahan nyay nirat gun khani॥
jin pratap sur asuran hoon ki himmat binasi bilani
kalahu sam ari trin samujhat jahan ke chhatri abhimani॥
beer badhu budh janni rahin lakhani jit sakhi sayani
koti koti jahan koti pati rat banij banik dhan dani॥
sewat shilp yathochit sewa sood samrddhi baDhani
jako ann khay ainDati jag jati anek aghani॥
jaki sampati lutat hajaran barsan hoon na khotani
sahat sahas barisan dukh nit naw jo na glani ur ani॥
sampati saurabh sobha san jag nrip gun manhun lubhani
pranmat tees koti jan ja kahan ajhun jori jug pani॥
jin main jhalak ekta ki lakhi jag mati sahami sakani
ish kripa lahi bahuri premghan banahu soi chhabi chhani॥
jay jay bharat bhumi bhawani
jaki suyash pataka jag ke dashun disi phahrani॥
sab sukh samagri purit ritu sakal saman sohani॥
jaki shri shobha lakhi alka amrawati khisani
dharm soor jit uyo; niti jahan gai pratham pahichani॥
sakal kala gun sahit sabhyata jahan son sabahi sujhani
bhaye asankhya jahan yogi tapas rishiwar muni gyani॥
bibudh bipr wigyan sakal bidya jin te jag jani
jag bijyi nrip rahe kabahun jahan nyay nirat gun khani॥
jin pratap sur asuran hoon ki himmat binasi bilani
kalahu sam ari trin samujhat jahan ke chhatri abhimani॥
beer badhu budh janni rahin lakhani jit sakhi sayani
koti koti jahan koti pati rat banij banik dhan dani॥
sewat shilp yathochit sewa sood samrddhi baDhani
jako ann khay ainDati jag jati anek aghani॥
jaki sampati lutat hajaran barsan hoon na khotani
sahat sahas barisan dukh nit naw jo na glani ur ani॥
sampati saurabh sobha san jag nrip gun manhun lubhani
pranmat tees koti jan ja kahan ajhun jori jug pani॥
jin main jhalak ekta ki lakhi jag mati sahami sakani
ish kripa lahi bahuri premghan banahu soi chhabi chhani॥
स्रोत :
पुस्तक : स्वतंत्रता पुकारती (पृष्ठ 44)संपादक : नंद किशोर नवल रचनाकार : बदरीनारायण चौधरी 'प्रेमघन'
प्रकाशन : साहित्य अकादेमी
संस्करण : 2006
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
