कबहूँ मस्जिद कबहूँ मंदिर कबहूँ गुरुद्वारा कै बवाल,
हर परब तीज तिउहारे मा मनई मुरगा अस भै हलाल।
ई चाल ढाल झंडा नारा तोहका दुसरेन से मोह अहै
आपन पुरखा आपन धरती तोहका अपनेन से द्रोह अहै।
सुख पाया अपनी धरती पै दुसरे का झंडा गाड़े मा।
तोहरी नानी के हाँड़े मा।
तू आला अपसर बना आजु घरवै मूसै मा तेज अहा,
अँगरेज चला गे देसवा से तू बना अबौ अँगरेज अहा।
सुख चैन न पाया जुटै कभौ अपनी धरती महतारी कै
एसी निरबंसै भले रही अस जनम्या बूत बेचारी कै।
तू खूब उड़ाया गुलछर्रा अब तक ओहदा के आड़े मा।
तोहरी नानी के हाँड़े मा।
तू धूर आँख मा झोंकि-झोंकि धन दुइनौ हाथ बटोर्या है,
पेट देस का काटि-काटि अपने खाता मा जोर्या है।
तू कसम खाइ के घाट किंया कम तौल्या सोझै काँटा मा
तू किह्या मिलावट तेल मसाला नमक दवाई आँटा मा।
तू बड़का साहूकार बना औ जहर मिलावा खाड़े मा।
तोहरी नानी के हाँड़े मा।
दुनिया कै गटई काटि-काटि आपन भंडार भरत बाट्या,
तू बिना सूड़ कै हाथी सब सबकै सुख चैन चरत बाट्या।
बस आपन मतलब गाँठे मा, केउ कै दुख दरद न जान्या तू,
दुनिया क देतै रह्या दगा बस आपन विरद बखान्या तू।
मूड़े धै राजा बेनु गए तू धरती बँधब्या फाँड़े मा।
तोहरी नानी के हाँड़े मा।
तू सेवक बनि के सपथ लिह्या कुरसी पाया तौ भूलि गया,
गाँधी कै चेला बना रह्या औ दारू पीके झूलि गया।
हमरै जनमा, हमहीं का बारा डेढ़े आठ पढ़ावा थ्या
परदा मा नंगा नाच करा बहिरे जन गन मन गावा थ्या।
तू बदला दिन मा पाँच सूट हम ढाँकी लाज कछाड़े मा।
तोहरी नानी के हाँड़े मा।
हम सीत घाम बरखा झेली तू मस्त परा रँगरेली मा,
टपटप टपकै मड़ई हमार तू मारा मौज हबेली मा।
हम खेते मा दिन रात खटी तू सैर करा मंसूरी कै
हम होमी आपन जिउ परान तू जेवरी बनवा धूरी कै।
तू तौ अकास मा उड़त फिरा हम अँटकी मेड़े डाँड़े मा।
तोहरी नानी के हाँड़े मा।
दै अँगरेजन के साथ देस के साथ किया गद्दारी तू,
हमरी देहीं के खून चूसि ठठरी पर किह्या सवारी तू।
जब आजादी कै लहर उठी तौ ओहमा टाँग अड़ाया है
अब भवा देस आजाद आजु गद्दी हथियावै आया है।
अबकी देबै भूसी छोड़ाइ, उतरा तौ तनी अखाड़े मा।
तोहरी नानी के हाँड़े मा।
kabhun masjid kabhun mandir kabhun gurudvara kai baval,
har parab teej tiuhare ma manii murga as bhai halal.
ii chaal Dhaal jhanDa nara tohka dusren se moh ahai
aapan purkha aapan dharti tohka apnen se droh ahai.
sukh paya apni dharti pai dusre ka jhanDa gaDe ma.
tohri nani ke hanDe ma.
tu aala apsar bana aaju gharavai musai ma tej aha,
angarej chala ge desva se tu bana abau angarej aha.
sukh chain na paya jutai kabhau apni dharti mahtari kai
esi nirbansai bhale rahi as janamya boot bechari kai.
tu khoob uDaya gulchharra ab tak ohda ke aaDe ma.
tohri nani ke hanDe ma.
tu dhoor ankh ma jhonki jhonki dhan duinau haath batorya hai,
pet des ka kati kati apne khata ma jorya hai.
tu kasam khai ke ghaat kinya kam taulya sojhai kanta ma
tu kihya milavat tel masala namak davai anta ma.
tu baDka sahukar bana au jahar milava khaDe ma.
tohri nani ke hanDe ma.
duniya kai gatii kati kati aapan bhanDar bharat batya,
tu bina sooD kai hathi sab sabakai sukh chain charat batya.
bas aapan matlab ganthe ma, keu kai dukh darad na janya tu,
duniya ka detai rahya daga bas aapan virad bakhanya tu.
muDe dhai raja benu ge tu dharti bandhabya phanDe ma.
tohri nani ke hanDe ma.
tu sevak bani ke sapath lihya kursi paya tau bhuli gaya,
gandhi kai chela bana rahya au daru pike jhuli gaya.
hamarai janma, hamhin ka bara DeDhe aath paDhava thya
parda ma nanga naach kara bahire jan gan man gava thya.
tu badla din ma paanch soot hum Dhanki laaj kachhaDe ma.
tohri nani ke hanDe ma.
hum seet ghaam barkha jheli tu mast para rangreli ma,
taptap tapakai maDii hamar tu mara mauj habeli ma.
hum khete ma din raat khati tu sair kara mansuri kai
hum homi aapan jiu paran tu jevari banva dhuri kai.
tu tau akas ma uDat phira hum antaki meDe DanDe ma.
tohri nani ke hanDe ma.
dai angrejan ke saath des ke saath kiya gaddari tu,
hamri dehin ke khoon chusi thathri par kihya savari tu.
jab ajadi kai lahr uthi tau ohma taang aDaya hai
ab bhava des ajad aaju gaddi hathiyavai aaya hai.
abki debai bhusi chhoDai, utra tau tani akhaDe ma.
tohri nani ke hanDe ma.
kabhun masjid kabhun mandir kabhun gurudvara kai baval,
har parab teej tiuhare ma manii murga as bhai halal.
ii chaal Dhaal jhanDa nara tohka dusren se moh ahai
aapan purkha aapan dharti tohka apnen se droh ahai.
sukh paya apni dharti pai dusre ka jhanDa gaDe ma.
tohri nani ke hanDe ma.
tu aala apsar bana aaju gharavai musai ma tej aha,
angarej chala ge desva se tu bana abau angarej aha.
sukh chain na paya jutai kabhau apni dharti mahtari kai
esi nirbansai bhale rahi as janamya boot bechari kai.
tu khoob uDaya gulchharra ab tak ohda ke aaDe ma.
tohri nani ke hanDe ma.
tu dhoor ankh ma jhonki jhonki dhan duinau haath batorya hai,
pet des ka kati kati apne khata ma jorya hai.
tu kasam khai ke ghaat kinya kam taulya sojhai kanta ma
tu kihya milavat tel masala namak davai anta ma.
tu baDka sahukar bana au jahar milava khaDe ma.
tohri nani ke hanDe ma.
duniya kai gatii kati kati aapan bhanDar bharat batya,
tu bina sooD kai hathi sab sabakai sukh chain charat batya.
bas aapan matlab ganthe ma, keu kai dukh darad na janya tu,
duniya ka detai rahya daga bas aapan virad bakhanya tu.
muDe dhai raja benu ge tu dharti bandhabya phanDe ma.
tohri nani ke hanDe ma.
tu sevak bani ke sapath lihya kursi paya tau bhuli gaya,
gandhi kai chela bana rahya au daru pike jhuli gaya.
hamarai janma, hamhin ka bara DeDhe aath paDhava thya
parda ma nanga naach kara bahire jan gan man gava thya.
tu badla din ma paanch soot hum Dhanki laaj kachhaDe ma.
tohri nani ke hanDe ma.
hum seet ghaam barkha jheli tu mast para rangreli ma,
taptap tapakai maDii hamar tu mara mauj habeli ma.
hum khete ma din raat khati tu sair kara mansuri kai
hum homi aapan jiu paran tu jevari banva dhuri kai.
tu tau akas ma uDat phira hum antaki meDe DanDe ma.
tohri nani ke hanDe ma.
dai angrejan ke saath des ke saath kiya gaddari tu,
hamri dehin ke khoon chusi thathri par kihya savari tu.
jab ajadi kai lahr uthi tau ohma taang aDaya hai
ab bhava des ajad aaju gaddi hathiyavai aaya hai.
abki debai bhusi chhoDai, utra tau tani akhaDe ma.
tohri nani ke hanDe ma.
स्रोत :
पुस्तक : माटी औ महतारी (पृष्ठ 52)रचनाकार : आद्या प्रसाद 'उन्मत्त'
प्रकाशन : अवधी अकादमी
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
