yah ek naya din hai—
KHuun me.n nahaa.ii sadiyo.n ke baada—yah maun aTTahaas।
nyaay kii aasha me.n baa.ndhe hu.e tumhe.n—mai.n taak raha huu.n
buu.nd-buu.nd TuuTate aakaash me.n a.ndhera chiDiyo.n kii aa.nkhe.n nichoD raha hai
badlii kii ta.ng galiyo.n me.n daste par utar rahe hai.n.
ek naya din hai yaha. mere pyaara! chaaro.n or yuddh chal rahe hai.n
sabhii samajhte hai.n itnii bhayaavah niiravta ka arth।
kuchh nahii.n hogaa—yadi mai.nne baa.nho.n me.n saara itihaas guzaar diya
yadi mai.nne aa.nkho.n par uga liya phir taajamhal,
yadi mai.nne tumhaarii hazaara-hazaar baruniyo.n par ek-.ek giit likhe
yadi mai.nne roma-rom chahachhaate chu.mbno.n se bhare।
kuchh nahii.n hogaa—yadi mai.nne chhiilakar u.ngliyaa.n bhii rakh dii.n।
yah ek naya din hai
KHuun me.n nahaa.ii sadiyo.n ke baada—yah maun aTTahaasa.
kis aj~na.aat ishaare par harii-harii pattiyaa.n sulag uThe.ngii?
ghaTnaa-vihiin mai.n ghaT jaa.uu.ngaa? kis aj~na.aat ishaare par
tum mere a.ntar-sa.ngiita! aadhii raat
uThkar chal doge?
