बढ़कउनू बइठे कुरिया मा
बीड़ी पर बीड़ी जला रहे
दुइ चारि जने गाँसे बइठे
मूड़ी गिरगिटु असि हला रहे।
बढ़कउनू बोले दउवा ते
सहरन ते आपन गाँव नीक
हम लउटेन काल्हि नखलऊ ते
तुम सुनौ हुवाँ हम जौनु दीख
कलजुगु मूडिन पर बइठि गवा
हम अबहूँ तक खलभला रहे।
पोता कै बर्सगाँठ बप्पा
छोटकी बहुरेवा फोनु किहिस
हम बचुका कै गठरी बांधेन
नखलउवै बस पहुँचाए दीहिस
रस्ता मा गटई सूखि गवै
हम बिन पानी निर्जला रहे।
दादू आए दादू आए
सुनिकै सहला मनु लोने का
कपड़न कै गर्दा देखि मुला
मुंहु बनिगा चौदा कोने का
बहुरेवा बोली ग्वाड ध्वाव
हम नलका बाहेर चला रहे।
सँझा का भै जब बर्सगाँठ
न कोऊ परोसी देखि परा
बचुवा ब्वाला सब गैर जाति
सुनि म्वार परी भरि खूनु जरा
फिरि फूटि फुलक्का केकु कटा
दीदा यह द्याखत कला रहे।
दड़बा मा रहिकै सात दिना
पसुरी हड्डिन मा जङ्ग लागि
चुल्हघुसनी दुनिया देखि-देखि
हमरे लेऊँड़ी तक बरी आगि
ना कोउ मनई ते बात करै
सब भकुरि रहे तिलमिला रहे।
baDhakaunu baithe kuriya ma
biDi par biDi jala rahe
dui chari jane ganse baithe
muDi giragitu asi hala rahe.
baDhakaunu bole dauva te
sahran te aapan gaanv neek
hum lauten kalhi nakhaluu te
tum sunau huvan hum jaunu deekh
kalajugu muDin par baithi gava
hum abhun tak khalabhla rahe.
pota kai barsganth bappa
chhotki bahureva phonu kihis
hum bachuka kai gathri bandhen
nakhalauvai bas pahunchaye dihis
rasta ma gatii sukhi gavai
hum bin pani nirjala rahe.
dadu aaye dadu aaye
sunikai sahla manu lone ka
kapDan kai garda dekhi mula
munhu baniga chauda kone ka
bahureva boli gvaaD dhvaav
hum nalka baher chala rahe.
sanjha ka bhai jab barsganth
na kou parosi dekhi para
bachuva bvala sab gair jati
suni mvaar pari bhari khunu jara
phiri phuti phulakka keku kata
dida ye dyakhat kala rahe.
daDba ma rahikai saat dina
pasuri haDDin ma jang lagi
chulhaghusni duniya dekhi dekhi
hamre leunDi tak bari aagi
na kou manii te baat karai
sab bhakuri rahe tilmila rahe.
baDhakaunu baithe kuriya ma
biDi par biDi jala rahe
dui chari jane ganse baithe
muDi giragitu asi hala rahe.
baDhakaunu bole dauva te
sahran te aapan gaanv neek
hum lauten kalhi nakhaluu te
tum sunau huvan hum jaunu deekh
kalajugu muDin par baithi gava
hum abhun tak khalabhla rahe.
pota kai barsganth bappa
chhotki bahureva phonu kihis
hum bachuka kai gathri bandhen
nakhalauvai bas pahunchaye dihis
rasta ma gatii sukhi gavai
hum bin pani nirjala rahe.
dadu aaye dadu aaye
sunikai sahla manu lone ka
kapDan kai garda dekhi mula
munhu baniga chauda kone ka
bahureva boli gvaaD dhvaav
hum nalka baher chala rahe.
sanjha ka bhai jab barsganth
na kou parosi dekhi para
bachuva bvala sab gair jati
suni mvaar pari bhari khunu jara
phiri phuti phulakka keku kata
dida ye dyakhat kala rahe.
daDba ma rahikai saat dina
pasuri haDDin ma jang lagi
chulhaghusni duniya dekhi dekhi
hamre leunDi tak bari aagi
na kou manii te baat karai
sab bhakuri rahe tilmila rahe.
स्रोत :
रचनाकार : रामशंकर वर्मा
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
