गाइ खिलावत सोभा भारी
gai khilawat sobha bhari
गाइ खिलावत सोभा भारी।
गो रज-रंजित बदन-कमल पै, अलक झलक घुंघरारी।
नख-सिख प्रति बहु मोल के भूषन, पहिरत सदा दिवारी।
फैलि रही है खिरक-सभा पै नगन-रंग उजियारी।
सम-कन राजैं भाल-गंड-भ्रू इहि छबि पै बलिहारी।
सवन हेरि नव, अंचल चंचल, चढ़ति सु अटा-अटारी।
भीर बहुत सुभई जात की मड़हन पे ब्रजनारी।
सैननि में समुझावत सगरी धनि-धनि निरखनहारी।
रहे खिलाइ धूमरी धौरी, गाय गुनन कजरारी।
नंददास प्रभु चले सदन जब एक बार हुंकारी॥
स्रोत :
- पुस्तक : अष्टछाप कवि : नंददास (पृष्ठ 94)
- संपादक : सरला चौधरी
- रचनाकार : नंददास
- प्रकाशन : प्रकाशन विभाग सूचना और प्रसारण मंत्रालय, भारत सरकार
- संस्करण : 2006
यह पाठ नीचे दिए गये संग्रह में भी शामिल है
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
