हम अही नीव कै पाथर हमरी छाती बज्जर अस कठोर,
हमरी छाती पर डंड करें राजा परजा औ साह चोर।
पंडित मुल्ला हमरिन छाती पर चढ़ि के धरम बघारा थीं,
औ बीर बाँकुरे हमरिन छाती पाँव पटकि ललकारा थीं।
हमरे माथे मा होइ पसीना तौ ई धरती हरियराइ,
हमरी अँखियन के आँसू से ई मुरझुराइ औ सुलुगि जाइ।
ई माघ पूस कइ ठिठुरन सब नंगिन छाती पर झेली थै,
जब तपै जेठ कइ दुपहरिया तपतै सूरज से खेली थै।
हमरे हाथे का जोर पाइ के पाथर ताजमहल बनिगा,
हमरिन छाती की कुब्बत से भाखरा बना नंगल बनिगा।
जंगल-जंगल मा अँटकि भटकि हम सब कइ राह बनाई थै,
सब सोवइँ सुख कइ निंदिया हम मेहनत कइ अलख जगाई थै।
नंगे पायन से रौंदि रौंदि काँटन कइ मुह हम तोरी थै,
हम आपन छाती पटिक-पटिक धरती कइ छाती फोरी थै।
हम ओका फोरि निकारी थै कोइला पानी औ रतन खान,
मुल जेतनइ ओका फोरी थै ओतनइ हम छिरकी थै परान।
केउ आँख देखावै तौ एका, फिर आँख रही की जान रही,
हम एकरे रिन से उरिन होब जब तक ई देह परान रही।
हम अही सिपाही सीमा पै कसिके संगीन सँभारी थै,
छाती कै लोहू गारि-गारि माटी कै करज उतारी थै।
माथे पगिया काँधे हर लइ जब हलधर बनी सेवाँरी मा,
तब भेद न तनिकउ कइ पाई हम माटी मा महतारी मा।
माटिन मा गति, माटिन मा मति, माटिन मा जनम करम माटा,
माटिन कइ अही सेवकिहा हम बस माटिन दीन धरम माटी।
बारहौ महीना, तीसो दिन, चौसठौ घरी कइ पूजा बा,
माटिन देवता, माटिन अच्छत, हमरे कुछ अउर न दूजा बा।
केउ कुच्छउ कहइ सुनइ कुच्छउ बस आपन डिउटी जानी थै,
हम आपन जननी जनम भूमि सरगौ से बढ़ि के मानी थै।
hum ahi neev kai pathar hamri chhati bajjar as kathor,
hamri chhati par DanD karen raja parja au saah chor.
panDit mulla hamrin chhati par chaDhi ke dharam baghara theen,
au beer bankure hamrin chhati paanv pataki lalkara theen.
hamre mathe ma hoi pasina tau ii dharti hariyrai,
hamri ankhiyan ke ansu se ii murajhurai au sulugi jai.
ii maagh poos kai thithuran sab nangin chhati par jheli thai,
jab tapai jeth kai dupahriya tapatai suraj se kheli thai.
hamre hathe ka jor pai ke pathar tajamhal baniga,
hamrin chhati ki kubbat se bhakhra bana nangal baniga.
jangal jangal ma antaki bhataki hum sab kai raah banai thai,
sab sovain sukh kai nindiya hum mehnat kai alakh jagai thai.
nange payan se raundi raundi kantan kai muh hum tori thai,
hum aapan chhati patik patik dharti kai chhati phori thai.
hum oka phori nikari thai koila pani au ratan khaan,
mul jetanai oka phori thai otanai hum chhirki thai paran.
keu ankh dekhavai tau eka, phir ankh rahi ki jaan rahi,
hum ekre rin se urin hob jab tak ii deh paran rahi.
hum ahi sipahi sima pai kasike sangin sanbhari thai,
chhati kai lohu gari gari mati kai karaj utari thai.
mathe pagiya kandhe har lai jab haldhar bani sevanri ma,
tab bhed na tanikau kai pai hum mati ma mahtari ma.
matin ma gati, matin ma mati, matin ma janam karam mata,
matin kai ahi sevakiha hum bas matin deen dharam mati.
barhau mahina, tiso din, chausthau ghari kai puja ba,
matin devta, matin achchhat, hamre kuch aur na duja ba.
keu kuchchhau kahai sunai kuchchhau bas aapan Diuti jani thai,
hum aapan janani janam bhumi sargau se baDhi ke mani thai.
hum ahi neev kai pathar hamri chhati bajjar as kathor,
hamri chhati par DanD karen raja parja au saah chor.
panDit mulla hamrin chhati par chaDhi ke dharam baghara theen,
au beer bankure hamrin chhati paanv pataki lalkara theen.
hamre mathe ma hoi pasina tau ii dharti hariyrai,
hamri ankhiyan ke ansu se ii murajhurai au sulugi jai.
ii maagh poos kai thithuran sab nangin chhati par jheli thai,
jab tapai jeth kai dupahriya tapatai suraj se kheli thai.
hamre hathe ka jor pai ke pathar tajamhal baniga,
hamrin chhati ki kubbat se bhakhra bana nangal baniga.
jangal jangal ma antaki bhataki hum sab kai raah banai thai,
sab sovain sukh kai nindiya hum mehnat kai alakh jagai thai.
nange payan se raundi raundi kantan kai muh hum tori thai,
hum aapan chhati patik patik dharti kai chhati phori thai.
hum oka phori nikari thai koila pani au ratan khaan,
mul jetanai oka phori thai otanai hum chhirki thai paran.
keu ankh dekhavai tau eka, phir ankh rahi ki jaan rahi,
hum ekre rin se urin hob jab tak ii deh paran rahi.
hum ahi sipahi sima pai kasike sangin sanbhari thai,
chhati kai lohu gari gari mati kai karaj utari thai.
mathe pagiya kandhe har lai jab haldhar bani sevanri ma,
tab bhed na tanikau kai pai hum mati ma mahtari ma.
matin ma gati, matin ma mati, matin ma janam karam mata,
matin kai ahi sevakiha hum bas matin deen dharam mati.
barhau mahina, tiso din, chausthau ghari kai puja ba,
matin devta, matin achchhat, hamre kuch aur na duja ba.
keu kuchchhau kahai sunai kuchchhau bas aapan Diuti jani thai,
hum aapan janani janam bhumi sargau se baDhi ke mani thai.
स्रोत :
पुस्तक : माटी औ महतारी (पृष्ठ 24)रचनाकार : आद्या प्रसाद 'उन्मत्त'
प्रकाशन : अवधी अकादमी
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
