लखि के पियास यहि धरती कै जे रकत मिलावै माटी मा,
जानै दुनिया कै अकिल गुम्म जे राह बनावै माटी मा,
जंगल-जंगल परवत-परवत जे अलख जगावै माटी मा
अपनी देही कै सत्त गारि जे फूल खिलावै माटी मा।
हम ओका फूल चढ़ाई थै,
हम ओका सीस नवाई थै।
मूड़े पर सूरज धरे-धरे जे घरे-घरे बाँटे अँजोर,
ओका ओतना, चाहे जेतना, केउका सेवाइ केउका न थोर,
सबकी रच्छा मा दौरि जाइ बाढ़ी नदिया मा पौरि जाइ
जेकरे सुमिरे से धन्नि होइ हमरी देहीं कै पोर-पोर।
हम ओह पर बलि-बलि जाई थै,
हम ओका सीस नवाई थै।
जेका देखे दुनिया हरषै बाह रे बहादुर वाह लाल,
सादा जीवन निरभीक चाल बावनी रूप कीरत बिसाल,
जब जब संकट कै घरी परै आगे बढ़ि-बढ़ि के धरै फाल
आजानु बाहु उन्नत सुभाल अपनी बाँहन मा कसे काल।
ओकै आरती सजाई थे,
हम ओका सीस नवाई थै।
lakhi ke piyas yahi dharti kai je rakat milavai mati ma,
janai duniya kai akil gumm je raah banavai mati ma,
jangal jangal parvat parvat je alakh jagavai mati ma
apni dehi kai satt gari je phool khilavai mati ma.
hum oka phool chaDhai thai,
hum oka sees navai thai.
muDe par suraj dhare dhare je ghare ghare bante anjor,
oka otna, chahe jetna, keuka sevai keuka na thor,
sabki rachchha ma dauri jai baDhi nadiya ma pauri jai
jekre sumire se dhanni hoi hamri dehin kai por por.
hum oh par bali bali jai thai,
hum oka sees navai thai.
jeka dekhe duniya harashai baah re bahadur vaah laal,
sada jivan nirbhik chaal bavni roop kirat bisal,
jab jab sankat kai ghari parai aage baDhi baDhi ke dharai phaal
ajanu bahu unnat subhal apni banhan ma kase kaal.
okai aarti sajai the,
hum oka sees navai thai.
lakhi ke piyas yahi dharti kai je rakat milavai mati ma,
janai duniya kai akil gumm je raah banavai mati ma,
jangal jangal parvat parvat je alakh jagavai mati ma
apni dehi kai satt gari je phool khilavai mati ma.
hum oka phool chaDhai thai,
hum oka sees navai thai.
muDe par suraj dhare dhare je ghare ghare bante anjor,
oka otna, chahe jetna, keuka sevai keuka na thor,
sabki rachchha ma dauri jai baDhi nadiya ma pauri jai
jekre sumire se dhanni hoi hamri dehin kai por por.
hum oh par bali bali jai thai,
hum oka sees navai thai.
jeka dekhe duniya harashai baah re bahadur vaah laal,
sada jivan nirbhik chaal bavni roop kirat bisal,
jab jab sankat kai ghari parai aage baDhi baDhi ke dharai phaal
ajanu bahu unnat subhal apni banhan ma kase kaal.
okai aarti sajai the,
hum oka sees navai thai.
स्रोत :
पुस्तक : माटी औ महतारी (पृष्ठ 44)रचनाकार : आद्या प्रसाद 'उन्मत्त'
प्रकाशन : अवधी अकादमी
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
