हमसब की जिंदगी से कुछ रोज अउर घटिगा।
येक साल अउर कटिगा।
सोचे कि जनवरी मा कुछ काम काज करबइ।
कुछ भूल हम सुधारब, कुछ कै इलाज करबइ।
मलमल कै एक कुरता बाबू का ल्याइ देबय।
चमड़ा कै एक पनही, सदरी सियाइ देबय।
अम्मा कै आँखि अबकी पक्का खोलाइ देबय।
धोती खटाऊ मिल कै, चप्पल लियाइ देबय।
जाड़ा मा ऊ रजाई हम पुन्नई भराउब
सोचे न कि रुइउ कै कीमत न जोरि पाउब।
लरिका बिमार होइगा तौ ध्यान सबसे हटिगा।
येक साल अउर कटिगा।
फिर फरवरी मा बाकी लरिकन कै फीस फाटा।
इस्कूल मा बेचारेन वै जाइँ रोज डाटा।
वोहका जमा किहे तौ सइकिल बिगाड़ि डाइस।
सुइटर फटा देखाइस जूता कै सोल बाइस।
कापी किताब पेंसिल बस्ता मा जेब खाली।
समझिन मा कुछ ना आवइ हम पेट कइसे पाली।
गोंहूँ झुरात बाटइ ई सुनिके मूड़ चढ़िगा।
डीजल कै दाम सुनतय सूगर हमार बढिगा।
अम्मा कै गोड़ मिचुका सारा बजट उलटिगा।
येक साल अउर कटिगा।
जब मार्च आइगा तौ कुछ काम नवा सोचे।
माँगब उधार बाढ़ी, कहि ना सके सकोचे।
बिजुरी कै बिल बकाया कटिगा ओहर कनेक्सन।
नेतन कै आवाजाही, फिर आइगा एलेक्सन।
अपरैल लागि जइसे गरमी कै धूरि आँधी।
सरिया कै भीति भसकी अब गाय कहाँ बाँधी।
चारिउ मू कुल लगन बा सादी बियाह नेउता।
इज्जत बचावा कइसेव हरदम मनाई देउता।
बाबू मरेंन तौ चिरई पै बाझ हस झपटिगा।
येक साल अउर कटिगा।
अब नात कबीला सब जुटिगें घरे दुआरे।
अँगना मा केहु भितरे बइठा केहु ओसारे।
सबकय खयाल रक्खब ई काम बहुत भारी।
सबकेहु का चायपानी भोजन कतौ सुपारी।
तेरही तलुक तौ भइया हम होइ गये फटीचर।
कंगाल देखि खोपड़ी से भागिगें सनीचर।
बेंचइ का परा गोइंड़े कै खेत पाँच बिस्सा।
तौ जाइ के निपटाये बाबू कै अपने किस्सा।
मुल रोइ-गाइ कइसेव ई मामिला सलटिगा।
येक साल अउर कटिगा।
फिर आइ परा देखा ई जून औ जुलाई।
भितरौ चुवइ, रोसइयाँ कै छान कस छवाई।
मामा से अपने सरपत माँगे पचास पूरा।
टरकाइ गयेन कहिके भइने परा बा झूरा।
अरराइ के जौ बरसा, गरजा चमकिके बादर।
समथर भै घर गिरिस्ती भहराइ परा भीतर।
झिल्ली तनाइ कइसेव काटे हम ई महीना।
रोये रकत कै आँसू, मुल ताने रहे सीना।
लेकिन दइव कइत से अबकी तौ चित्त फटिगा।
येक साल अउर कटिगा।
कुछ हाल एहर सुधरी जबसे अगस्त आवा।
बीमा कै चार पइसा बाबू के नाउ पावा।
फिर भाय सितम्बर मा खोले दुकान छोटी।
मेहनत से राति दिन कइ चलि जाइ नोन रोटी।
खर्चा बढ़ा बहुत फिर अक्टूबर आइगा जब।
तेउहार मां नवम्बर पूँजिव चबाइ गा सब।
जाड़ा परब सुरू भै फिर आइगा दिसम्बर।
लरिकन कै ओढ़ना-कपड़ा धंधा भवा बराबर।
दुलहिन कै सौखि ओनहीं के अन्दरय सिमटिगा।
येक साल अउर कटिगा।
hamsab ki jindgi se kuch roj aur ghatiga.
yek saal aur katiga.
soche ki janavri ma kuch kaam kaaj karabai.
kuch bhool hum sudharab, kuch kai ilaaj karabai.
malmal kai ek kurta babu ka lyai debay.
chamDa kai ek panhi, sadri siyai debay.
amma kai ankhi abki pakka kholai debay.
dhoti khatau mil kai, chappal liyai debay.
jaDa ma uu rajai hum punnii bharaub
soche na ki ruiu kai kimat na jori paub.
larika bimar hoiga tau dhyaan sabse hatiga.
yek saal aur katiga.
phir pharavri ma baki larikan kai phees phata.
iskul ma becharen vai jain roj Data.
vohka jama kihe tau saikil bigaDi Dais.
suitar phata dekhais juta kai sol bais.
kapi kitab pensil basta ma jeb khali.
samjhin ma kuch na avai hum pet kaise pali.
gonhun jhurat batai ii sunike mooD chaDhiga.
Dijal kai daam suntay sugar hamar baDhiga.
amma kai goD michuka sara bajat ulatiga.
yek saal aur katiga.
jab march aiga tau kuch kaam nava soche.
mangab udhaar baDhi, kahi na sake sakoche.
bijuri kai bil bakaya katiga ohar kaneksan.
netan kai avajahi, phir aiga eleksan.
aprail lagi jaise garmi kai dhuri andhi.
sariya kai bhiti bhaski ab gaay kahan bandhi.
chariu mu kul lagan ba sadi biyah neuta.
ijjat bachava kaisev hardam manai deuta.
babu marenn tau chirii pai baajh has jhapatiga.
yek saal aur katiga.
ab naat kabila sab jutigen ghare duare.
angana ma kehu bhitre baitha kehu osare.
sabkay khayal rakkhab ii kaam bahut bhari.
sabkehu ka chayapani bhojan katau supari.
terhi taluk tau bhaiya hum hoi gaye phatichar.
kangal dekhi khopaDi se bhagigen sanichar.
benchai ka para goinDe kai khet paanch bissa.
tau jai ke niptaye babu kai apne kissa.
mul roi gai kaisev ii mamila salatiga.
yek saal aur katiga.
phir aai para dekha ii joon au julai.
bhitrau chuvai, rosaiyan kai chhaan kas chhavai.
mama se apne sarpat mange pachas pura.
tarkai gayen kahike bhaine para ba jhura.
arrai ke jau barsa, garja chamakike badar.
samthar bhai ghar giristi bhahrai para bhitar.
jhilli tanai kaisev kate hum ii mahina.
roye rakat kai ansu, mul tane rahe sina.
lekin daiv kait se abki tau chitt phatiga.
yek saal aur katiga.
kuch haal ehar sudhri jabse agast aava.
bima kai chaar paisa babu ke nau pava.
phir bhaay sitambar ma khole dukan chhoti.
mehnat se rati din kai chali jai non roti.
kharcha baDha bahut phir aktubar aiga jab.
teuhar maan navambar punjiv chabai ga sab.
jaDa parab suru bhai phir aiga disambar.
larikan kai oDhna kapDa dhandha bhava barabar.
dulhin kai saukhi onhin ke andray simatiga.
yek saal aur katiga.
hamsab ki jindgi se kuch roj aur ghatiga.
yek saal aur katiga.
soche ki janavri ma kuch kaam kaaj karabai.
kuch bhool hum sudharab, kuch kai ilaaj karabai.
malmal kai ek kurta babu ka lyai debay.
chamDa kai ek panhi, sadri siyai debay.
amma kai ankhi abki pakka kholai debay.
dhoti khatau mil kai, chappal liyai debay.
jaDa ma uu rajai hum punnii bharaub
soche na ki ruiu kai kimat na jori paub.
larika bimar hoiga tau dhyaan sabse hatiga.
yek saal aur katiga.
phir pharavri ma baki larikan kai phees phata.
iskul ma becharen vai jain roj Data.
vohka jama kihe tau saikil bigaDi Dais.
suitar phata dekhais juta kai sol bais.
kapi kitab pensil basta ma jeb khali.
samjhin ma kuch na avai hum pet kaise pali.
gonhun jhurat batai ii sunike mooD chaDhiga.
Dijal kai daam suntay sugar hamar baDhiga.
amma kai goD michuka sara bajat ulatiga.
yek saal aur katiga.
jab march aiga tau kuch kaam nava soche.
mangab udhaar baDhi, kahi na sake sakoche.
bijuri kai bil bakaya katiga ohar kaneksan.
netan kai avajahi, phir aiga eleksan.
aprail lagi jaise garmi kai dhuri andhi.
sariya kai bhiti bhaski ab gaay kahan bandhi.
chariu mu kul lagan ba sadi biyah neuta.
ijjat bachava kaisev hardam manai deuta.
babu marenn tau chirii pai baajh has jhapatiga.
yek saal aur katiga.
ab naat kabila sab jutigen ghare duare.
angana ma kehu bhitre baitha kehu osare.
sabkay khayal rakkhab ii kaam bahut bhari.
sabkehu ka chayapani bhojan katau supari.
terhi taluk tau bhaiya hum hoi gaye phatichar.
kangal dekhi khopaDi se bhagigen sanichar.
benchai ka para goinDe kai khet paanch bissa.
tau jai ke niptaye babu kai apne kissa.
mul roi gai kaisev ii mamila salatiga.
yek saal aur katiga.
phir aai para dekha ii joon au julai.
bhitrau chuvai, rosaiyan kai chhaan kas chhavai.
mama se apne sarpat mange pachas pura.
tarkai gayen kahike bhaine para ba jhura.
arrai ke jau barsa, garja chamakike badar.
samthar bhai ghar giristi bhahrai para bhitar.
jhilli tanai kaisev kate hum ii mahina.
roye rakat kai ansu, mul tane rahe sina.
lekin daiv kait se abki tau chitt phatiga.
yek saal aur katiga.
kuch haal ehar sudhri jabse agast aava.
bima kai chaar paisa babu ke nau pava.
phir bhaay sitambar ma khole dukan chhoti.
mehnat se rati din kai chali jai non roti.
kharcha baDha bahut phir aktubar aiga jab.
teuhar maan navambar punjiv chabai ga sab.
jaDa parab suru bhai phir aiga disambar.
larikan kai oDhna kapDa dhandha bhava barabar.
dulhin kai saukhi onhin ke andray simatiga.
yek saal aur katiga.
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
