धोबी गीत
dhobi geet
बड़ी-बड़ी कोठिया सजाया पूँजीपतिया
दुखिया कै रोटिया चोराय-चोराय।
अपनी महलिया मा केह्या उजियरवा
तू झोपड़ी मा अगिया लगाय-लगाय॥
कतहुँ बनी भटवा कतहुँ बनी गड़ही
कतहुँ बनी महला कतहुँ बनी मड़ही
मटिया कै दियना तुहीं तौ बुझवाया
सोनवाँ के बेनवा डोलाय-डोलाय। बड़ी-बड़ी...
मिलिया मा खून जरै खेत मा पसिनवा
तबहूँ तौ नाहीं मिलै पेटवा भै दनवा
अपनी गोदमिया मा खूब भरवाया
तू बड़ा-बड़ा बोरवा सियाय-सियाय। बड़ी-बड़ी...
जो तौ करै कमवा छोट कहवावै
उहै बड़ मनई जो जतन बतावै
दस कै ससनवा नब्बे पै करवाया
तू इहै परिपटिया चलाय-चलाय। बड़ी-बड़ी...
हथवा मा तसबी गटइया मा माला
खोइ के इमनवा बटोर्या धन काला
देलवा का गहिरे लूटि केनी खाया
तू कइयौ गुना दमवा बढ़ाय-बढ़ाय। बड़ी-बड़ी...
जूड़ भई छतिया तनी के दयिउ बरसा
अब तौ महलियन मा खुलिहैं मदरसा
दुखिया कै लरिका पढ़इ बदे जइहैं
छोटी बड़ी टोलिया बनाय-बनाय। बड़ी-बड़ी...
बिना काटे भिटवा गड़हिया न पटिहैं
अपनी खुसी से धन धरती न बटिहैं
जनता कै तलवा तिजोरिया मा लगिहैं
महलिया मा बजना बजाय-बजाय। बड़ी-बड़ी...
संबंधित विषय
हिंदी क्षेत्र की भाषाओं-बोलियों का व्यापक शब्दकोश : हिन्दवी डिक्शनरी
‘हिन्दवी डिक्शनरी’ हिंदी और हिंदी क्षेत्र की भाषाओं-बोलियों के शब्दों का व्यापक संग्रह है। इसमें अंगिका, अवधी, कन्नौजी, कुमाउँनी, गढ़वाली, बघेली, बज्जिका, बुंदेली, ब्रज, भोजपुरी, मगही, मैथिली और मालवी शामिल हैं। इस शब्दकोश में शब्दों के विस्तृत अर्थ, पर्यायवाची, विलोम, कहावतें और मुहावरे उपलब्ध हैं।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
