जियरा साँसत मा परा अहै निकुरा से उप्पर पानी बा।
घर-घर कै इहै किहानी बा।
बड़कवा भाय बगिया बेंचै का मारामारी केहे अहै।
छोटकवा खेत बाँटै खातिर दुइ-दुइ पटवारी केहे अहै।
मेहरि चूल्हा अलगावै कै अलगै तय्यारी केहे अहै।
जीते-जिव कुछ ना बंटै देब ई ज़िद महतारी केहे अहै।
सब अपनै आपन बरत अहैं, चारिव मूं हींचातानी बा।
घर-घर कै...
सब चकाचौंध मा परा अहैं अब जीवन सादा भूलि गयेन।
फिर नेक काम कै कउन बात,जब नेक इरादा भूलि गयेन।
अपनी मेहरी कै मुँह देखतै सब माई-दादा भूलि गयेन।
केहुका समाज कै डेर नाहीं, इज़्ज़त-मरजादा भूलि गयेन।
भयहू के कहे मा जेठ चलै, देवरा के कहे जेठानी बा।
घर-घर कै...
भाइन मा ऊ जे बड़ा अहै दुइ पैसा जेकरे हांथे बा।
वोहकै लरिका अंगरेज बना, मेहरारू साथे-साथे बा।
माई-बप्पा, खेती-बारी सब जेकरे मूड़े-माथे बा।
ऊ कथरी वाले डोरा से आपन पैजामा नाथे बा।
एहमूं रोटिव कै जोग नहीं वोहमूं कबॉब-बिरियानी बा।
घर-घर कै...
जब भयेन रिटायर रामलखन सब पैसा बेटवै बाँटि लेहेन।
अपुना-अपुना का चारिउ जन सब सुख-सुविधा से पाटि लेहेन।
जब उमिर ढली होइगें बिमार,मड़ही मा टुटही खाट लेहेन।
बेटवन से कहेन कि चेता तौ, सब पारी-पारी डाटि लेहेन।
महतारी कौरा माँगि रही, बहिनिव होइ चली सयानी बा।
घर-घर कै...
jiyra sansat ma para ahai nikura se uppar pani ba.
ghar ghar kai ihai kihani ba.
baDakva bhaay bagiya benchai ka maramari kehe ahai.
chhotakva khet bantai khatir dui dui patvari kehe ahai.
mehari chulha algavai kai alagai tayyari kehe ahai.
jite jiv kuch na bantai deb ii zid mahtari kehe ahai.
sab apanai aapan barat ahain, chariv moon hinchatani ba.
ghar ghar kai. . .
sab chakachaundh ma para ahain ab jivan sada bhuli gayen.
phir nek kaam kai kaun baat,jab nek irada bhuli gayen.
apni mehari kai munh dekhatai sab mai dada bhuli gayen.
kehuka samaj kai Der nahin, izzat marjada bhuli gayen.
bhayhu ke kahe ma jeth chalai, devara ke kahe jethani ba.
ghar ghar kai. . .
bhain ma uu je baDa ahai dui paisa jekre hanthe ba.
vohakai larika angrej bana, mehraru sathe sathe ba.
mai bappa, kheti bari sab jekre muDe mathe ba.
uu kathri vale Dora se aapan paijama nathe ba.
ehmun rotiv kai jog nahin vohmun kabaub biriyani ba.
ghar ghar kai. . .
jab bhayen ritayar ramalkhan sab paisa betavai banti lehen.
apuna apuna ka chariu jan sab sukh suvidha se pati lehen.
jab umir Dhali hoigen bimar,maDhi ma tuthi khaat lehen.
betvan se kahen ki cheta tau, sab pari pari Dati lehen.
mahtari kaura mangi rahi, bahiniv hoi chali sayani ba.
ghar ghar kai. . .
jiyra sansat ma para ahai nikura se uppar pani ba.
ghar ghar kai ihai kihani ba.
baDakva bhaay bagiya benchai ka maramari kehe ahai.
chhotakva khet bantai khatir dui dui patvari kehe ahai.
mehari chulha algavai kai alagai tayyari kehe ahai.
jite jiv kuch na bantai deb ii zid mahtari kehe ahai.
sab apanai aapan barat ahain, chariv moon hinchatani ba.
ghar ghar kai. . .
sab chakachaundh ma para ahain ab jivan sada bhuli gayen.
phir nek kaam kai kaun baat,jab nek irada bhuli gayen.
apni mehari kai munh dekhatai sab mai dada bhuli gayen.
kehuka samaj kai Der nahin, izzat marjada bhuli gayen.
bhayhu ke kahe ma jeth chalai, devara ke kahe jethani ba.
ghar ghar kai. . .
bhain ma uu je baDa ahai dui paisa jekre hanthe ba.
vohakai larika angrej bana, mehraru sathe sathe ba.
mai bappa, kheti bari sab jekre muDe mathe ba.
uu kathri vale Dora se aapan paijama nathe ba.
ehmun rotiv kai jog nahin vohmun kabaub biriyani ba.
ghar ghar kai. . .
jab bhayen ritayar ramalkhan sab paisa betavai banti lehen.
apuna apuna ka chariu jan sab sukh suvidha se pati lehen.
jab umir Dhali hoigen bimar,maDhi ma tuthi khaat lehen.
betvan se kahen ki cheta tau, sab pari pari Dati lehen.
mahtari kaura mangi rahi, bahiniv hoi chali sayani ba.
ghar ghar kai. . .
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
