ek raja tha. uski do raniyan theen kintu koi santan nahin thi. usi rajya mein ek nirdhan brahman rahta tha jiski ek sundar kanya thi jiska naam tha kanka. ek din raja ne mandir jate samay kanka ko dekha to usse vivah karne ki ichchha raja ke man mein utpann hui. raja ne brahman se anumti lekar kanka ke saath vivah kar liya.

kuch samay baad raja ko yuddh mein jana paDa. usi dauran kanka ne ek putr ko janm diya. shesh donon raniyon ko laga ki kanka dvara rajya ka uttaradhikari dene par un donon ka mahatv ghat jayega. ve iirshya se bhar uthin. atah unhonne navjat shishu ko apni naukarani se phinkva diya aur uski jagah iint rakhkar raja ke paas suchana bhijva di ki kanka ne bachche ki jagah iint ko janm diya hai. raja jab lauta to usne krodh mein aakar kanka ko bandigrih mein bandi bana diya.

udhar bachche ko ek pujari ne dekha to wo use uthakar apne ghar le gaya. pujari ne uska naam rakha kantirva. pujari trikaldarshi tha. use kantirva ke janm ki ghatna ka pata chal chuka tha. atah jab kantirva yuva hua to usne kantirva ko uske janm ki ghatna ke bare mein sab kuch sach sach bata diya. saath hi use lakDi ka ek hathi dete hue kaha ki yahi tumhara bhagya badlega. kantirva ne donon raniyon ko sabak sikhane ka nirnay liya.

kantirva lakDi ka hathi lekar mahl ke udyaan mein pahuncha aur usne udyaan ke kunD se hathi ko pani pilana chaha. us samay udyaan mein raja apni donon raniyon ke saath anand le raha tha. raniyon ne kantirva ko lakDi ke hathi ko pani pilate dekhkar uska uphaas karte hue kaha, ‘kahin lakDi ka hathi bhi pani pi sakta hai?’

‘kyon nahin? jab kanka rani iint ko janm de sakti hai to lakDi ka hathi pani kyon nahin pi sakta hai?’ kantirva ne tatkal uttar diya.

ye sunkar raniyan sakte mein aa gain aur raja ashcharya mein paD gaya. un logon ne is baat ko sabse chhipakar rakha tha.

‘tumhen ye kisne bataya?’ raja ne kantirva se puchha.

‘main svayan janta hoon kyonki main hi aapka wo putr hoon jinhonne apaki in donon raniyon ne mahl se bahar phinkva diya tha aur mere sthaan par iint rakh di thi. ’ kantirva ne kaha.

‘is baat ka kya sakshya hai ki tum sach kah rahe ho?’ raja ne puchha.

‘sabse baDa sakshya to ye donon raniyan hain. inse aap puchhiye ki jo main kah raha hoon wo sach hai ya nahin aur jo ye donon jhooth bolen to us dai se poochh lijiye jise in donon ne meri maan ke saath bandigrih mein bandi bana rakha hai. ’ kantirva ne kaha.

raja ne bandigrih se kanka aur dai ko tatkal bulvaya. apni sachchai samne aate dekhkar donon raniyon ne apna apradh svikar kar liya. raja ne kanka se kshama mangi aur use punah rani ka adhikar diya. raja ne apne putr kantirva ko apna uttaradhikari ghoshit kiya.

‘tum logon ne kantirva ke badle iint rakh di thi atah ab tum donon jivan bhar iinten Dhoogi. ’ ye kahte hue raja ne apni donon raniyon ko rajagir ke havalekar diya jo bhavan banane ka kaam karta tha. is prakar lakDi ke hathi ke dvara rajakumar ne apna bhagya badal liya.

ek raja tha. uski do raniyan theen kintu koi santan nahin thi. usi rajya mein ek nirdhan brahman rahta tha jiski ek sundar kanya thi jiska naam tha kanka. ek din raja ne mandir jate samay kanka ko dekha to usse vivah karne ki ichchha raja ke man mein utpann hui. raja ne brahman se anumti lekar kanka ke saath vivah kar liya.

kuch samay baad raja ko yuddh mein jana paDa. usi dauran kanka ne ek putr ko janm diya. shesh donon raniyon ko laga ki kanka dvara rajya ka uttaradhikari dene par un donon ka mahatv ghat jayega. ve iirshya se bhar uthin. atah unhonne navjat shishu ko apni naukarani se phinkva diya aur uski jagah iint rakhkar raja ke paas suchana bhijva di ki kanka ne bachche ki jagah iint ko janm diya hai. raja jab lauta to usne krodh mein aakar kanka ko bandigrih mein bandi bana diya.

udhar bachche ko ek pujari ne dekha to wo use uthakar apne ghar le gaya. pujari ne uska naam rakha kantirva. pujari trikaldarshi tha. use kantirva ke janm ki ghatna ka pata chal chuka tha. atah jab kantirva yuva hua to usne kantirva ko uske janm ki ghatna ke bare mein sab kuch sach sach bata diya. saath hi use lakDi ka ek hathi dete hue kaha ki yahi tumhara bhagya badlega. kantirva ne donon raniyon ko sabak sikhane ka nirnay liya.

kantirva lakDi ka hathi lekar mahl ke udyaan mein pahuncha aur usne udyaan ke kunD se hathi ko pani pilana chaha. us samay udyaan mein raja apni donon raniyon ke saath anand le raha tha. raniyon ne kantirva ko lakDi ke hathi ko pani pilate dekhkar uska uphaas karte hue kaha, ‘kahin lakDi ka hathi bhi pani pi sakta hai?’

‘kyon nahin? jab kanka rani iint ko janm de sakti hai to lakDi ka hathi pani kyon nahin pi sakta hai?’ kantirva ne tatkal uttar diya.

ye sunkar raniyan sakte mein aa gain aur raja ashcharya mein paD gaya. un logon ne is baat ko sabse chhipakar rakha tha.

‘tumhen ye kisne bataya?’ raja ne kantirva se puchha.

‘main svayan janta hoon kyonki main hi aapka wo putr hoon jinhonne apaki in donon raniyon ne mahl se bahar phinkva diya tha aur mere sthaan par iint rakh di thi. ’ kantirva ne kaha.

‘is baat ka kya sakshya hai ki tum sach kah rahe ho?’ raja ne puchha.

‘sabse baDa sakshya to ye donon raniyan hain. inse aap puchhiye ki jo main kah raha hoon wo sach hai ya nahin aur jo ye donon jhooth bolen to us dai se poochh lijiye jise in donon ne meri maan ke saath bandigrih mein bandi bana rakha hai. ’ kantirva ne kaha.

raja ne bandigrih se kanka aur dai ko tatkal bulvaya. apni sachchai samne aate dekhkar donon raniyon ne apna apradh svikar kar liya. raja ne kanka se kshama mangi aur use punah rani ka adhikar diya. raja ne apne putr kantirva ko apna uttaradhikari ghoshit kiya.

‘tum logon ne kantirva ke badle iint rakh di thi atah ab tum donon jivan bhar iinten Dhoogi. ’ ye kahte hue raja ne apni donon raniyon ko rajagir ke havalekar diya jo bhavan banane ka kaam karta tha. is prakar lakDi ke hathi ke dvara rajakumar ne apna bhagya badal liya.