वृद्धावस्था पर दोहे

विरध भइओ सूझै नहीं, काल पहुँचिओ आन।

कहु नानक नर बावरे, किउ न भजै भगवान॥

गई रात, साथी चले, भई दीप-दुति मंद।

जोबन-मदिरा पी चुक्यौ, अजहुँ चेति मति-मंद॥

सुंदर दुःख न मानि तूं, तोहि कहूँ उपदेश।

अब तू कछूक सरम गहि, धौले आये केश॥

सिरु कँपिओ पगु डगमगै, नैन ज्योति ते हीन।

कहु नानक इह विधि भई, तऊ न हरि रस लीन॥

तरु ह्वै रह्यौ क़रार कौ, अब करि कहा क़रार।

उर धरि नंद-कुमार कौ, चरन-कमल सुकुमार॥

बालापन जोबन गयौ, बृद्ध भये सब कोइ।

सुन्दर जीरन ह्वै गये, तृष्णा नव तन होइ॥

जोबन हा जद जतन हा, काया पड़ी बुढ़ाँण।

सुकी लकड़ी ना लुलै, किस बिध निकसै काण॥