निंदा करै सो धोबी कहिए, अस्तुति करै सो भाट।

अस्तुति निंदा से अलग, सोई भक्त निराट॥

साधु-साधु सब एक है, ठाकुर-ठाकुर एक।

संतन सों जो हित करै, सोई जान विवेक॥

वृंदाबन में परि रहौ, देखि बिहारी-रूप।

तासु बराबर को करैं, सब भूपन कौ भूप॥

कहा त्रिलोकी जस किये, कहा त्रिलोकी दान?

कहा त्रिलोकी बस किए, करी न भक्ति निदान॥

ना काहू सों रूसनो, ना काहू सों रंग।

ललितमोहिनीदास की, अद्भुत केलि अभंग॥

नैन बिहारी रूप निरखि, रसन बिहारी नाम।

श्रवन बिहारी सुजस सुनि, निसदिन आठों जाम॥