कोड़े पन्द्रा, कोड़ इकीसां
koDe pandra, koD ikisan
कोड़े पन्द्रा, कोड़ इकीसां, कोड़ सताइसां, कोड़ छत्तीसां,
चौहां जुगां री बांध’र भार।
कोड़ निन्नाणवै टोटै दीनी, इत्ता चल्या मन आई।
जांनै कड़कड़ करता कीड़ा खासीं, बाटै जैंवर बधाई।
कोई कै’वै म्हारो काको पितो, कोई कै’वै म्हारो भाई।
पापां हुंता पूत विछोया, धीयां हुवती माई।
कोई कै'वै ईसर म्हांही साचा, देव तणा विड़दाई।
वाचा बधती उमर घटती, बांचै वेद सुवाई।
इम्रत सिध है गोरखनाथो, जां द्यै जां मान बड़ाई।
ब्रह्मा विष्णु काजी बांचै, बांचै वेद सुवाई।
कोड़ां पांचां, कोड़ां सातां, कोड़ा नौवां, कोड़ा बारां,
कोड़ां तेतीसां सुरग पहुंचा, ऐता गुरु फरमाई।
तेतीसां से मांझी (है) निकळंकी, निकळंकजी नै मान बड़ाई।
गुरु प्रसादे गोरख वचने (श्रीदेव) जसनाथ(जी) बांच सुणाई।
- पुस्तक : सबद ग्रंथ (पृष्ठ 168)
- संपादक : सूर्य शंकर पारेक
- रचनाकार : जसनाथ
- प्रकाशन : श्री देव जसनाथ सिद्धाश्रम (बाड़ी) धर्मनाथ ट्रस्ट बीकानेर (राज.)
- संस्करण : 1996
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
